مجموعة بوقالات جزائرية

.باسم الله بديت ..و على النبي صليت ...نتمنى ربي يعطيني ما تمنيت ...

1)هبط لقاع البحر ، فرّشت زربية ، خرجت لي جنية ، قالت لي واش بيك يا بنية ؟ قلت لها راحوا حبابي و خلاوني وحدانية.



2) عتبة الباب بالزهر و الطّيب ، وسقيت كل الأحباب بالعسل و الزبيب ، و كى نسيت جاني جواب كنت نستناه من عند البعيد.


3)مدّيت لقاع البير و فرّشت زربية ، حرقست حرقوس ذهب من راسى لوذنية ، فرحي يا يما سعدى زها ..و استشفاي في العدو إلى استشفي فيّ .

4)لسمر يا لسمر يالي عايروني بيك انت قليل الزهر وانا نتبع فيك .

5)حليت باب الجنان لقيت ملاح رقود تنهدت الدالية وتحرك العنقود قال القمر فالسماء نكشف على السحاب يذوب خلي الحبيب لحبيبو واللي في قلبو حاجة الله يبلغ المقصود.

6)انا شابة وسهري غالي واللي يبغيني يديني يحسب النجوم و يسهر اليالي و يبنيلي القصور واللي بغى الغالي نجيبولو بنات ودراري .